إلي تحس نفسها واسعة بعد ماجابت عيال

مراحب لجميع البنات ..

بنات أنا كنت أعاني من مشكلة .. كانت بالنسبة لي جدا كبيرة ..
كنت بداية أيام زواجي .. من بعد أول ليلة .. ما عدت أحس نفسي توني متزوجة ..
كانت المنطقة واااسعة .. لدرجة إن زوجي كان أحيان يقول لي ما أحس بالمنطقة ..
وعيلتنا من النوع إلي مستحيل أتكلم معهم في حاجة زي كذا ..
هذا أكبر أكبر عيب عندنا ..
عانيت بدون شخص أشكي له الحال ..

أنا نفسي ما كنت عارفة السبب ..
وكنت أدور على أعشاب وأدوية وغسولات ..
وتحاميل طبية وعشبية ..
اشتريت أدوية وغسولات وتحاميل بأكثر من 8000 ريال ..
ما خليت منتج إلا وجربته ..
كانت الأدوية تنفعني يوم وعشرة ما تنفعني ..
وبعض التحاميل سببت لي التهابات ..

كان خلال المعاشرة .. يطلع مني ماااء كثير ..
لدرجة إن أمسحه بين حين وحين ..
وكنت متضايقة موت .. وزوجي هم متضايق بس مو دائما يتكلم ..
وقلت رغبته في هالشي والسبب هاذي المشكلة ..
مع إن لساتنا عرسان جدد ..

أخيرا عرفت السبب .. وحبيت إني أفيد الجميع ..
ولو إن هذا أدق أسراري ..
لكن أكيد في بنات يعانون مثلي ..
وما ودي غير الأجر والعافية ..

أولا .. غسل الجنااابة .. لا تأخرين الغسل ..
تأخير الغسل يساعد على الإفرازات الكثيرة ..
واسأليني عن تجربة شخصية ..
اغتسلي بعد 4 ساعات كحد أقصى ..
أو أول ما تصحين على طووول اغتسلي ..
وغسلي المنطقة جيدا قبل الغسل وطهريها بالماء ..
ثم ابدئي الغسل ..

ثانيا .. تمارين كيجل .. ثم تمارين كيجل.. ثم تمارين كيجل ..
رحت للطبيبة وسألتها عن طريقة التمارين ..
قلت لها أعمل مثل إذا ودي أحبس البول؟؟ (الله يعزكم)
قالت لي لاء .. اعملي كأنك تحبسين الريح ..
وراح تنشد المنطقة .. اعملي هذا التمرين 10 مرات في اليوم ..
لكن أنا ما عملته بس عشر مرات .. كنت أعمله طول ما أنا قاعدة ..
أمام التلفزيون .. في السرير .. او حتى على الكمبيوتر ..
عودي نفسك عليه وبتتعودين ..

التمرين الثاني .. إذا رحتي للحمام (الله يعزكم) ..
لقضاء الحاجة .. عند التبول .. حاولي تنزلين البول على شكل متقطع ..
وطول حياتك اعملي كذا .. (هذا أحد تمرينات كيجل)
(نسيت أكتب هاذي النقطة منذ البداية .. لأن مو دائما أسويها ..
بس الدكتورة قالت لي هذا التمرين أيضا نافع جدا جدا)..

ثالثا .. إذا رحتي للتواليت وخلصتي تغسيل بالماء ..
نشفي المنطقة عدل .. ولا تخلين فيها ولا قطرة ماء ..
ولا تلبسين ملابسك الداخلية إلا وانتي ناااشفة ..
وبدلي ملابسك الداخلية (الكلوت) على الأقل على الأقل 3 مرات باليوم ..

رابعا .. ابتعدي عن شي اسمه حليب مع زنجبيل ..
كنت أشربه وما أدري فيه إن هو إلي وسعني ..
كانوا البيت يسوونه وأنا أشرب .. ولا أدري فيه هذا السبب ..
لحد ما سمعت من وحدة إن هذا الشي يوسع .. وقطعته ..

خامسا.. ابتعدي عن المشروبات الباردة ..
قدر المستطاع .. وعن الماء البارد والثلج ..
واشربي دائما أشياء ساخنة .. وغير دسمة ..
مثل الشاي الأخضر والأحمر .. والشوربات الخفيفة ..

سادسا.. حاولي ما تفتحين رجلينك كثير ..
خليها دائما مسكرة .. أو رجل على رجل ..
ولا تخلين يدخلك هوا .. لأن هذا مضر ..

هالخطوات برغم بساطتها الشديدة ..
وما فيها أي كلفة مادية .. إلا انها نفعتني نفع عظيم ..
وأخيرا التمت المنطقة على بعضها .. وزوجي حس بالفرق ..

أتمنى إن أفدتكم ..
مو شرط تردون .. لكن ادعوا لي الله يرزقني بالذرية الصالحة ..
والله يسعد كل وحدة مع زوجها ..
ويحقق أمنية كل وحدة ما تزوجت ..

الله يستر علينا وعلى الجميع ..